Како визуелниот дизајн му помага на корисничкото искуство

Во книгата на Дон Норман, Емоционален дизајн: Зошто ги сакаме (или мразиме) секојдневните работи, Норман вели дека открил дека “…степенот на [a] естетиката на системот влијаела на перцепцијата по употребата, и тоа на естетиката и на употребливоста, додека степенот на вистинската употребливост немал таков ефект. ” Со други зборови, визуелниот дизајн имал исто толкав ефект колку и севкупното искуство од вистинската употребловост.

Не звучни фер. Самата идеја дека визуелниот дизајн може да биде исто толку важен (ако не и поважен) од употребливоста, е лоша. Но, не смее да не изненадува. Луѓето се привлекуваат од работи и луѓе за кои веруваат дека се естетски пријатни, до тој степен, што истражувањата покажуваат дека и децата и возрасниоте  поверојатно е дека ќе му поверуваат некому кој им е попривлечен. Истата терорија се чини точна и за апликациите и сајтовите. Луѓето помалку се сомневаат во визуелно привлечните информации.

Во овој текст ќе погледнеме зошто луѓето претпочитаат убави интефејси, и како ние, како изведувачи на корисничкиот интерфејс, може да го употребиме ова знаење за да креираме подобри искуства.

Што е привлечност?

Пред да ја дискутираме привлечноста во корисничкиот интерфејс, мора да одговориме на едно прашање. Што значи да се биде објективно привлечен? Ова буквално е прашање кое се трудиме да го одговориме со векови. Филозофите уште од времето на Питагора се запрашувале што е убаво, па Питагорините цвеќиња велеле дека убавината е  “манифестација на хармонични, математички врски како златниот пресек.” Оттогаш, мноу математичари, филозофи, се обидувале да ја измерат убавината.

Волтер, од друга страна, верувал дека е невозможно да се дефинира убавината, особено преку изјавата: “убавината е во окото на оној кој ја набљудува.” Емпиристичарите го следат ова верување, гледајќи ја убавината како особина која задоволува и која е одраз на човекот кој ја гледа убавината.

Постојат научници кои веруваат дека работите кои ни се естетски привлечни се оние работи кои се најздрави за нас. Затоа, болестите прават луѓето да изгледаат  “непривлечно,” а работите како јаготки, кои се добри за нас, ни се естетски привлечни. Има значителни недостатоци во оваа теорија, (само помислете на убавите, отровни жаби), но може и да има мала вистина.

Алтернативно, некои веруваат дека убавината доаѓа од друштвените и културолошки ставови. Имајте на ум дека во Америка, децата од најрана возраст гледаат дизниеви цртани, па им се всадува идејата дека вештерките и негативците треба да се грди, а хероите и хероините убави, но сепак теоријата оди уште подлабоко. Многу модни елементи, трендови за коса, па дури и облик на тело, се атрактивни само под влијание на медиумите на кои сме изложени секојдневно.За десет години, истите трендови може да изгледаат срамно, па дури и тажно. Како што се менуваат културолошките ставови, така се менува и начинот на кој културата ја дефинира убавината.

Ајде ова да го префрлиме во дизајнот на корисничко искуство. Може да постојат одредени интеракции или елементи на сајт за кои веруваме дека се атрактивни, бидејќи ги поврзуваме со употребливост. Во исто време, има веб трендови кои сега ни се чинат атрактивни, но не значи дека ќе го имаат истиот атрибут за само неколку месеци или години. На пример, постоеше едно време кога comic sans беше фонт кој се избираше, а flash страниците беа симбол на добар дизајн.

Визуелниот дизајн во UX

Кога ќе разбереме дека не постои нешто што е “совршено убава” естетика, може да погледнеме во улогата на визуелниот дизајн во корисничкото искуство. На крајот на краиштата, станува збор за многу повеќе од тоа да ги направите нештата убави.

Usability.gov го дефинира визуелниот дизајн како “стратешко имплементирање слики, бои, фонтови и други елементи,” со цел да се подобри дизајнот или интеракцијата, и да се ангажираат и заинтересираат корисниците. Визуелниот дизајн се разликува од дизајнот на интеракција. Дизајнот на интеракција се фокусира на функционалноста потребна за да се постигне една задача. Визуелниот дизајн ги ангажира корисниците, привлекувајќи им го погледот кон точната функционалност, давајќи им приоритет на задачите на страницата, преку боја, големина и употреба на белина (празен простор), па дури зголемување на довербата во брендот, само преку визуелни показатели.

На некои начини, визуелниот дизајн може да се гледа како комбинација од  графички дизајн и дизајн на корисничко искуство. Имајќи го на ум тоа дека овие полиња постојано еволуираат, фер е да кажеме дека графичкиот дизајн, типично, е дизајн на статички слики и визуелни елементи . Дизајнот на корисничко искуство инкорпорира дизајн на интеракција и дизајн на кориснички интерфејс, па така се фокусира на комуникацијата. Визуелниот дизајн е на средината, бидејќи инкорпорира статички слики и визуелни елементи со цел подобрување на комуникацијата и употребливоста.

Визуелниот дизајн може многу да влијае на начинот на кој корисниците го гледаат екранот. Дури е можно и корисниите да очекуваат визуелно поатрактивни екрани со подобра функционалност, поупотребливи и похуманоидни.

Корелација

Лук Вроблевски, директор за продукти во Google, со години ја истражувал врската помеѓу визуелниот дизајн и акциите на корисниците. Во неговата презентација во 2008 , “Комуницирање со визуелна хиерархија,” тој ја објаснува улогата на визуелниот дизајн во корисничкото искуство. Тој вели дека визуелната хиерархија, или местото каде што ги ставаме елементите на екранот и начинот на кој привлекуваме внимание кон нив, ни помага да:

• пренесуваме пораки,
• разјаснуваме акции,и
• организираме информации.

Тој споделува многу совети и препораки за да ги охрабри дизајнерите внимателно да размислат каде и како да ги прикажат информациите. Атрактивната визуелна хиерархија е и корисна хиерархија.

Сепак, осум години подоцна, многу малку се зборува за важноста на визуелниот дизајн во корисничкото искуство.

На StackExchange, дискусијата продолжува. Еден од корисниците истакнал: “Дали навистина мора толку да се истражува, за на крајот да се заклучи дека изгледот на корисничкиот интерфејс влијае на искуството? На крајот на краиштата, луѓето скоро секогаш ги ценат работите според надворешниот изглед. ” Друг корисник не потсетува: “Ако визуелниот дизајн е важен, тогаш како го објаснувате неверојатниот успех на грдите продукти на Microsoft? Го употребувам Outlook веќе 20 години и ми се чини дека никогаш не сум го видел истиот интерфејс повеќе од двапати (не, не сум идиот), а сепак продуктот има голем удел на пазарот!”

Што значи ова? Дали убавината е во очите на оној кој ја гледа, и дали за некои корисници Microsoft е убав? Или визуелниот дизајн е нешто што е пожелно, но не и задолжително, како и што рече Лук Вроблевски?

Еден од корисниците на StackExchange, како да успеа да најде рамнотежа кога рече:“…визуелниот дизајн влијае на еден или повеќе аспекти од севкупното корисничко искуство. Не мора да е најважниот дел во контекст на помагање на корисниците да ги постигнат своите цели, но неизбежно е во тесна врска со перцепцијата на корисниците.” Тој додава: “”Дали добриот/лошиот визуелен дизајн влијае на корисничкото искуство?” Мислам дека и вие ќе се согласите дека одговорот е ДА, но на кој начин? Тоа е прашање за 64 000 долари.”

Логички е да претпоставиме дека визуелно привлечен сајт има исто онолку придобивки колку и добро облечен човек на разговор за работа. Кога корисниците ќе дојдат на непривлечен сајт, ако имаат добро искуство, ќе си заминат среќни. Единствен проблем е што корисниците може да се откажат многу побрзо, и да не успеат да ги доразгледаат содржините. Кога еден сајт е убав (независно дали на класичен начин, или модерен и во тренд), корисниците повеќе му веруваат, и почесто му даваат втора шанса.

Што значи визуелниот дизајн за UX дизајнерите

За дизајнерите на корисничко искуство, имам два совети. Прво, не се потпирајте целосно на визуелниот дизајн за да спречите лошо корисничко искуство. И најубавите визуелни елементи не можат да ги скријат лошите опции и функционалности кои се лошо конструирани. Второ, не го игнорирајте визуелниот дизајн! Сите имаме конкуренција, а визуелниот дизајн може стратешки да ни помогне да направиме сајт кој се истакнува, и кој ги наведува корисниците повеќе да ја ценат една апликација наспроти друга со подеднакво употребна вредност.

Џери Као од UXPin на Creative Bloq и Fast Company, понуди листи на правила за визуелниот дизајн. Еве ги најдобрите работи со кои може да започнете:

• Останете конзистентен. Неконзистентноста има моќ да ги претвори и најубавите сајтови во грд хаос. Ова е една област во која чувството го води видот. Ако корисникот е збунет од сајтот, тоа чувство ќе направи неговите очи да го гледаат сајтот како непривлечен.
• Тестирајте ги визуелните концепти како прототипи на хартија. Како што вели Џери на Creative Bloq, “кога луѓето се на интернет, тие велат дека “гледаат” нешто на некој веб сајт, а не дека се во “интераскција” со него, иако втората опција е целосно поточна.” Ние имаме силна реакција на визуелните елементи, и со добро брендирање може да влијаеме на тоа колку некој ќе ни верува, и како ќе реагира на интеракцијата.
• Немојте да дозволите трендовите да ви го одвлекуваат вниманието. Има причина зошто црното, кратко фустанче никогаш не излегува од мода. Едноставно е. Јасно е. Подеднакво јасниот, едноставен и класичен визуелен дизајн може да му пркоси на времето, нешто што трендовите не би можеле да му го дозволат. Иако е веројатно дека некои аспекти на рамниот дизајн ќе останат (на пример), повеќе од сигурно е дека ќе имаме многу апликации за кои во иднина ќе речеме дека наликуваат премногу “на 2017”.